Mauzo ya nakala chini ya 1000 yanawezekana hata kwa msanii wa kawaida wa
Tanzania ambapo hali ya mauzo ya albam bado ni tete na usambazaji wake
ni mtihani, lakini kwa msanii mkubwa duniani kuuza nakala 530 tu kwa
wiki ya kwanza nchini Uingereza ni jambo la kushangaza.
Mwimbaji maarufu na mshindi wa tuzo kadhaa kubwa, Robin Thickle
ambaye amemuimbia mkewe ‘Paula’ albam nzima aliyoipa jina lake akimuomba
msamaha baada ya kumpiga chini alipogundua alimsaliti, ameshindwa
kuiuza vizuri albam yake baada ya kuuza nakala 530 tu kwa wiki ya kwanza
nchini Uingereza, nakala 550 tu nchini Canada na units 24,000 kwa
Marekani.
Kuna utofauti mkubwa sana wa mauzo ya albam hii na albam yake
iliyopita ya Blurred Lines ambayo ilifanikiwa kushika nafasi ya kwanza
nchini Uingereza na kuuza nakala 117, 000 katika wiki yake ya kwanza
nchini Marekani.
Nadhani Robin Thicke atakuwa amezidiwa na Juma Nature aliyeuza nakala
kibao za ugali katika wiki yake ya kwanza, albam ambayo ilikuwa na
nyimbo nyingi zinazozungumzia uhusiano wake na muigizaji maarufu enzi
hizo.
0 comments:
Post a Comment