Wabuge wa Upinzani Leo wametoka Nje kwa aina nyingine ya Mgomo kwa kuziba Midomo yao na Plasta

Picha kwa hisani ya Mwananchi

Soma Zaidi »

UMEIONA REKODI YA AZAM FC DHIDI YA COASTAL UNIONI, IKO HAPA NIMEKUWEKEA

KLABU Bingwa ya Afrika Mashariki na Kati, Azam FC ina rekodi ya asilimia 100 ya kutopoteza mchezo wowote wa Ligi Kuu ya Vodacom Tanzania Bara (VPL) dhidi ya Coastal Union.

Azam FC inatarajia kumenyana na Coastal Union Jumapili hii (Februari 14) katika mchezo wa ligi utakaofanyika Uwanja wa Mkwakwani, Tanga.

Kwa mujibu wa takwimu za ligi hiyo tokea Azam FC ianze kucheza Ligi Kuu msimu wa 2008/2009, zinaonyesha kuwa imekutana mara tisa na Coastal Union kwenye mechi za ligi, ikishinda mara saba na kutoka sare mbili.

Katika mechi hizo, zilizochezwa kwenye Uwanja wa Mkwakwani ni nne pekee, ambapo Azam FC inayodhaminiwa na Benki ya NMB imeshinda mbili (1-0, 1-0) na nyingine mbili zikiisha kwa sare (0-0, 1-1), huku Azam FC ikishinda mechi tano zote zilizochezwa Azam Complex.

Jumla ya mabao 21 yamefungwa kwenye mechi hizo zote tisa, ambapo Azam FC imefunga asilimia 98 ya mabao yote ikitupia 18 na Coastal ikifunga matatu pekee.

Azam FC pia Julai mwaka jana ilicheza mchezo wa kirafiki dhidi ya Coastal Union pamoja na African Sports kujiandaa na michuano ya Kombe la Kagame, na ikawachapa Wagosi wa Kaya hao bao 1-0, lililofungwa na Ame Ally.

Kuelekea mchezo wa Jumapili hii, tayari Kocha Mkuu wa Azam FC, Stewart Hall, ameweka wazi kuwa anataka kuendeleza rekodi waliyoweka ya kufanya vizuri kwenye mechi za ugenini msimu huu pamoja na ile waliyonayo ya kufanya vema katika Uwanja wa Mkwakwani.

Azam FC ambayo ni miongoni mwa timu 16 zinazoshiriki ligi hiyo, mpaka sasa ndio timu pekee iliyokuwa na rekodi ya kutopoteza mchezo wowote wa ligi katika mechi 16 walizocheza, ikishinda 13 na sare tatu ikijikusanyia jumla ya pointi 42 sawa na Simba iliyo nafasi ya pili huku ikizidiwa pointi moja tu na Yanga inayoongoza ligi kwa pointi 43.

Lakini matajiri hao wa Azam Complex wana mechi mbili mkononi, zinazoweza kuwaweka juu kileleni kwa tofauti ya pointi tano kwa atakayemfuatia kama ikizishinda zote.

REKODI AZAM FC V COASTAL UNION

2011/2012

Coastal Union 0-1 Azam FC (Septemba 21, 2011)

Azam FC 3-0 Coastal Union (Machi 07, 2012)

2012/2013

Azam FC 4-1 Coastal Union (Novemba 01, 2012)

Coastal Union 1-1 Azam FC (Aprili 26, 2013)

2013/2014

Coastal Union 0-0 Azam FC (Oktoba 05, 2013)

Azam FC 4-0 Coastal Union (Machi 15, 2014)

2014/2015

Azam FC 2-1 Coastal Union (Novemba 08, 2014)

Coastal Union 0-1 Azam FC (Machi 22, 2015)

2015/2016

Azam FC 2-0 Coastal Union (Septemba 30, 2015)

Coastal Union ?-? Azam FC (Februari 14, 2016)

 

Soma Zaidi »

AIR TANZANIA YAISAFIRISHA YANGA KUELEKEA MAURITIUS

 

Yanga inaondoka kesho saa 11 Alfajiri kwenda Mauritius katika mechi ya Ligi ya Mabingwa Afrika dhidi ya Cercle de Joachim SC.

Kikosi cha Yanga kinaondoka na ndege ya kukodi ya kampuni ya Air Tanzania na itatumia saa nne na ushee angani ikiwa njiani kwenda nchini humo.

Ikiwa nchini humo, ndege hiyo itakuwa imepaki pembeni ikiisubiri Yanga ikiwa mazoezini, ikiwa hotelini hadi siku ya mechi.

Yanga inatarajia kushuka dimbani ikiwa ugenini na itatakiwa kushinda au kufanya vizuri kabla ya mechi ya marudiano jijini Dar es Salaam.

Baada ya mechi hiyo, ndege hiyo itaruka hadi Pemba moja kwa moja kuepuka kupitia jijini Dar es Salaam kwa ajili ya kambi.

 

Soma Zaidi »

MKWASA KIBARUANI KUWAAMINISHA WATANZANIA, STARS KUWAFUTA MACHOZI WAPENDA SOKA

Tanzania leo wanaikaribisha Malawi katika mchezo wa kwanza wa kuwania kupangwa kwenye makundi ya kugombea tiketi ya kucheza Fainali za Kombe la Dunia mwaka 2018 nchini Urusi.

Taifa Stars inakutana na Malawi leo, ikitoka kucheza mechi 11 bila kushinda. Mara ya mwisho Taifa Stars ilishinda 4-1 dhidi ya Benin Oktoba 12, mwaka jana Dar es Salaam na tangu hapo imekuwa ikichezea vichapo mfulilizo na kutoa sare.

Stars inacheza na Malawi siku moja baada ya kocha Mzalendo, Charles Boniface Mkwasa kusaini Mkataba wa mwaka mmoja na nusu, akirithi mikoba ya Mholanzi, Mart Nooij.

Rais wa Shirikisho la Soka Tanzania (TFF), Jamal Malinzi amesema jana kwamba Mkwasa amesaini Mkataba wa kudumu Taifa Stars, sawa na wa mtangulizi wake, Mholanzi Mart Nooij.   

Taifa Stars inakutana na Malawi leo, ikitoka kucheza mechi 11 bila kushinda. Mara ya mwisho Taifa Stars ilishinda 4-1 dhidi ya Benin Oktoba 12, mwaka jana Dar es Salaam na tangu hapo imekuwa ikichezea vichapo mfulilizo na kutoa sare.

Stars inacheza na Malawi siku moja baada ya kocha Mzalendo, Charles Boniface Mkwasa kusaini Mkataba wa mwaka mmoja na nusu, akirithi mikoba ya Mholanzi, Mart Nooij.

Rais wa Shirikisho la Soka Tanzania (TFF), Jamal Malinzi amesema jana kwamba Mkwasa amesaini Mkataba wa kudumu Taifa Stars, sawa na wa mtangulizi wake, Mholanzi Mart Nooij.   

Malinzi alimteua Mkwasa kukaimu Ukocha Mkuu Taifa Stars kwa miezi mitatu tangu Julai na akasema kwa kuanzia atakuwa anachukua mshahara alikuwa analipwa Nooij.

Nooij aliyekuwa analipwa dola za Kimarekani 12,500 (zaidi ya Sh. Milioni 25) kwa mwezi, alifukuzwa mwishoni mwa Juni baada ya Taifa Stars kufungwa mabao 3-0 na Uganda Uwanja wa Amaan, Zanzibar katika mechi ya kufuzu CHAN.

Mkwasa aliwateua Alhaj Abdallah Athumani Seif ‘King Kibaden’ kuwa Mshauri wa Ufundi, Hemed Morocco kuwa Kocha Msaidizi na Manyika Peter kuwa kocha wa makipa wakichukua nafasi za Salum Mayanga na Patrick Mwangata.

Aidha, Omar Kapilima aliteuliwa kuwa Meneja na Hussein Swedi ‘Gaga’ kuwa mtunza vifaa vya timu- kukamilisha sura mpya kabisa ya benchi la Ufundi la Taifa Stars.

Na tangu hapo timu imecheza mechi tatu bila ushindi ikitoa sare ya 1-1 na Uganda mjini Kampala kufuzu CHAN, ikifungwa 2-1 na Libya mchezo wa kirafiki mjini Kartepe, Uturuki na kutoa sare ya 0-0 na Nigeria.

Hayo yalikuwa mabadiliko makubwa kutoka kwenye timu kufungwa mechi tano mfululizo na kwa ujumla kucheza mechi 11 bila ushindi chini ya Nooij.

Taifa Stars watasafiri Ijumaa asubuhi kwenda Malawi kurudiana nao Jumapili mjini Blantyire na mshindi wa jumla ataingia kwenye Raundi ya pili ya kufuzu ambako atamenyana na Algeria.

Atakayefuzu mtihani wa Algeria, atakuwa amefanikiwa kupangwa kwenye Kundi la kuwania tiketi ya kwenda Urusi mwaka 2018.
Wachezaji wote wanaocheza nje, Mrisho Ngassa wa Free State Stars ya Afrika Kusini, Mbwana Samata na Thomas Ulimwengu wa TP Mazembe ya DRC wapo kambini.

Watatu hao wamekuja wakiwa katika kiwango kizuri, Ngassa akitoka kuisaidia klabu yake kufuzu Robo Fainali ya Kombe la Telkom Knockout na akina Samata na Ulimwengi wakitoka kuisaidia Mazembe kutinga fainali ya Ligi ya Mabingwa Afrika.

Kila la heri Taifa Stars. Mungu ibariki Tanzania. Amin.

Malinzi alimteua Mkwasa kukaimu Ukocha Mkuu Taifa Stars kwa miezi mitatu tangu Julai na akasema kwa kuanzia atakuwa anachukua mshahara alikuwa analipwa Nooij.

Nooij aliyekuwa analipwa dola za Kimarekani 12,500 (zaidi ya Sh. Milioni 25) kwa mwezi, alifukuzwa mwishoni mwa Juni baada ya Taifa Stars kufungwa mabao 3-0 na Uganda Uwanja wa Amaan, Zanzibar katika mechi ya kufuzu CHAN.

Mkwasa aliwateua Alhaj Abdallah Athumani Seif ‘King Kibaden’ kuwa Mshauri wa Ufundi, Hemed Morocco kuwa Kocha Msaidizi na Manyika Peter kuwa kocha wa makipa wakichukua nafasi za Salum Mayanga na Patrick Mwangata.

Aidha, Omar Kapilima aliteuliwa kuwa Meneja na Hussein Swedi ‘Gaga’ kuwa mtunza vifaa vya timu- kukamilisha sura mpya kabisa ya benchi la Ufundi la Taifa Stars.

Na tangu hapo timu imecheza mechi tatu bila ushindi ikitoa sare ya 1-1 na Uganda mjini Kampala kufuzu CHAN, ikifungwa 2-1 na Libya mchezo wa kirafiki mjini Kartepe, Uturuki na kutoa sare ya 0-0 na Nigeria.

Hayo yalikuwa mabadiliko makubwa kutoka kwenye timu kufungwa mechi tano mfululizo na kwa ujumla kucheza mechi 11 bila ushindi chini ya Nooij.

Taifa Stars watasafiri Ijumaa asubuhi kwenda Malawi kurudiana nao Jumapili mjini Blantyire na mshindi wa jumla ataingia kwenye Raundi ya pili ya kufuzu ambako atamenyana na Algeria.

Atakayefuzu mtihani wa Algeria, atakuwa amefanikiwa kupangwa kwenye Kundi la kuwania tiketi ya kwenda Urusi mwaka 2018.
Wachezaji wote wanaocheza nje, Mrisho Ngassa wa Free State Stars ya Afrika Kusini, Mbwana Samata na Thomas Ulimwengu wa TP Mazembe ya DRC wapo kambini.

Watatu hao wamekuja wakiwa katika kiwango kizuri, Ngassa akitoka kuisaidia klabu yake kufuzu Robo Fainali ya Kombe la Telkom Knockout na akina Samata na Ulimwengi wakitoka kuisaidia Mazembe kutinga fainali ya Ligi ya Mabingwa Afrika.

Kila la heri Taifa Stars. Mungu ibariki Tanzania. Amin.

Soma Zaidi »

NDANDA YAENDELEA KUJIFUA LICHA YA KUWA NA MAJERUHI

Timu ya Soka ya Ndanda imeendelea na Mazoezi yake ikiwa Kambini huko Kijijini kwao Ndanda ambako Timu hiyo ndiko ilikoanzishwa Miaka 5 iliyopita.

Kocha Mkuu wa Ndanda Hamimu Mawazo Akizungumza na Waandishi wa Habari

Kocha Mkuu wa Ndanda Fc Hamimu Mawazo amesema Kikosi Chake Kiko Vizuri na kinaendelea na Mazoezi Licha ya kukumbwa na Majeruhi Kadhaa ambao wanaendelea na Matibabu

Mawazo amewataja Majeruhi hao kuwa ni Masoud Ally aliyeumia Goti kwenye Mchezo wao dhidi ya African Sport uliochezwa wiki mbili zilizopita kwenye Uwanja wa Mkwakwani Tanga na Ndanda kufungwa Moja kwa Sifuri, Mwingine ni Omari Mponda anayesumbuliwa na Kiuno.

Ndanda imeamua kuweka kambi yake Huko Ndanda ili kuweza kujiwinda na Michezo ya Ligi kuu Tanzania Bara ukianzia na Ule wa Toto Afrika ya Mwanza Mchezo utakaochezwa kwenye Uwanja wa Nangwanda Sijaona Mkoani Mtwara

Soma Zaidi »

KIKWETE NA KENYATTA WAZINDUA BARABARA MUHIMU KENYA

Rais wa Kenya Uhuru Kenyatta na mwenzake wa Tanzania Jakaya Kikwete wamezindua mradi wa ujenzi wa barabara ya Taveta-Mwatate ambayo inatarajiwa kurahisisha uchukuzi kati ya kataifa hayo mawili.

Barabara ya Arusha-Holili upande wa Tanzania pia inakarabatiwa.

Rais Kikwete yumo nchini Kenya kwa ziara rasmi ya siku tatu na Jumanne anatarajiwa kuhutubia kikao cha pamoja cha mabunge mawili ya Kenya.

Mradi wa ujenzi wa barabara hizo mbili umefadhiliwa kwa pamoja na Benki ya Maendeleo ya Afrika na serikali za Kenya na Tanzania.

Kwa mujibu wa mkurugenzi wa kanda hii wa AfDB Gabriel Negatu benki hiyo imetoa $218 milioni za kutumiwa kwenye mradi huo, Kenya ikipokea $116 milioni na Tanzania $102 milioni.

Huo ndio mradi wa pili wa barabara wa kuunganisha Kenya na Tanzania uliofadhiliwa na benki hiyo, wa kwanza ukiwa barabara za Arusha-Namanga/Namanga-Athi River.

Rais Kikwete alisema barabara hiyo ya Taveta-Mwatate hutumiwa na wakazi wa kaskazini na kaskazini-magharibi mwa Tanzania kusafirisha bidhaa hadi Mombasa.

“Huchukua saa 14 kutoka Arusha hadi Voi. Lakini ujenzi huu ukikamilika, itachukua saa mbili na nusu pekee, hivyo kuwa nafuu sana kwa wasafiri na wenye magari,” alisema.

Kiongozi huyo, anayetarajiwa kuondoka mamlakani karibuni baada ya uchaguzi mkuu Oktoba 25, alisema barabara hiyo ina uwezo wa kuimarisha biashara kati ya Kenya na Tanzania kwa asilimia 10.

Soma Zaidi »

KIINGILIO CHA CHINI STARS VS MALAWI TSH 5000

 
Shirikisho la Mpira wa Miguu nchini (TFF) limetangaza viingilio vya mchezo wa Jumatano kati ya Tanzania (Taifa Stars) dhidi ya Malawi (The Flames) kuwa ni shilingi elfu tano (5,000) katika mchezo huo wa kuwania kufuzu kwa fainali za kombe la Dunia mwaka 2018 nchini Urusi.

Viingilio vilivyotangazwa leo ni kiingilio cha juu kabisa kwa mchezo huo shilingi elfu kumi (10,000) kwa viti vya VIP B & C, huku viti vya rangi ya chungwa, bluu na kijani ikiwa ni shilingi elfu tano (5,000).

Stars inayonolewa na kocha mzawa Charles Boniface Mkwasa imeendelea kujifua katika viwanja vya Gymkhana na uwanja Taifa jioni kujiandaa mchezo huo wa Jumatano dhidi ya Malawi, huku wachezaji wakiwa wenye ari na morali ya hali ya juu kuelekea kwenye mechi hiyo.

Wachezaji 22 wapo kambini akiwemo mshambuliaji Mrisho Ngasa anayecheza soka la kulipwa nchini Afrika Kusini aliyeripoti jana mchana kambini, huku wachezaji wawili Mbwana Samata na Thomas Ulimwengu wakitarajiwa kujiunga na wenzao leo wakitokea Lubumbashi – Congo DR.

Wakati huo huo timu ya Taifa ya Malawi (The Flames) imewasili nchini jana saa 4 asubuhi na kufikia katika hoteli ya De Mag iliyopo Mwanayamala, ambapo kikosi hicho leo kimefanya mazoezi asubuhi katika uwanja wa Boko Veterani.

Waamuzi wa mchezo huo kutoka nchini Somalia, kamisaa na mtathimin waamuzi wa wanatarajiwa kuwasili leo nchini na kufikia katika hoteli ya Protea iliyopo Oysterbay.

Mwamuzi wa kati ni Hagi Yabarow Wiish (Somalia), akisaidiwa na Hamza Hagi Abdi (Somalia), Salah Omar Abubakar (Somalia), mwamuzi wa akiba Bashir Olad Arab (Somalia), mtathimini wa waamuzi Sam Essam Islam (Misri) na kamisaa wa mchezo ni Muzambi Gladmore (Zimbabwe).

Soma Zaidi »