WATU 50, 000 WAATHIRIWA NA MAFURIKO SOMALIA

Shirika la Umoja wa Mataifa la Kuratibu Misaada ya Kibinadamu OCHA limesema mafuriko yameripotiwa katika maeneo kadhaa nchini Somalia na kuathiri watu elfu 50.

Naibu msemaji wa Umoja wa Mataifa Bw Farhan Haq amesema hata hivyo mashirika ya dharura yalikuwa na misaada tayari kukabiliana na janga hilo.

Tangu mwezi Oktoba mvua kubwa nchini Somalia imesababisha mafuriko katika mito ya Shabelle na Juba.