TIMU YA WAADISHI WA MTWARA WATUMA SALAMU KWA TIMU YA JUKWAA LA WAHARIRI WAJIPANGE KWA KAPU LA MABAO

Timu ya Waandishi wa habari Mkoani Mtwara imejinasibu kuibuka na Ushindi dhidi ya Timu ya Jukwaa la Wahariri mechi itakayochezwa Jumamosi hii Mkoani Mtwara

Akizungumza na BANDALI 44 Mwenyekiti wa Chama cha Waaandishi wa Habari 

Mkoani Mtwara Bw Hassani Simba amesema wako katika maandalizi makali kwani wanatambua Timu wanayokutana nayo ni Nzuri hivyo hawana budi kufanya mazoezi ya Nguvu ili kutoa upinzani wa hali ya juu siku hiyo

Simba amesema…unajua wenzetu hawa timu yao ni nzuri na utakumbuka wiki chache zilizopita walikuwa Iringa na wamewafunga waandishi wa Iringa goli 4-0 kwa hiyo na sisi ili kukwepa aibu ya kufungwa lazima tufanye mazoezi ya nguvu ili kujiweka sawa na lazima tuibuke na ushindi hiyo siku…alisema Simba

Aidha Simba ameongeza kuwa Uwanja unaotumika kwa mazoezi yao na ambao pia utatumika kwa ajili ya Mchezo huo ni uwanja wa Chuo cha Uwalimu Mtwara (TTTC) na kuwaomba waandishi wote kuhudhulia mazoezi yanayoanza rasmi leo

Kuhusu Vifaa Simba amesema…Leo Julai 9 tunatarajia kupewa Jezi na Mbunge wa Mtwara Mjini Mhe Hasnein Murji ili kutoa motisha kwetu kwa ajili ya mechi hiyo kubwa , kwa hiyo tutaingia na uzi mpya na ni mbaya ukiingia na uzi mpya halafu ukafungwa kwa hiyo lazima tushinde 

Simba amewataja wachezaji wanaotegemewa kukiongoza Kikosi cha Mtwara Press Club kuwa Ni pamoja na Mtuli Kutoka Pride Fm, Marino Kawishe Kutoka Safari Radio, Brayson Mshana Kutoka southern Media Solution , Rajabu Lukanga Kutoka Info Radio, Idrisa Bandali kutoka Newala fm, Modestus Mwambe,Fakihi Mussa , Filipo Lulale na wengine wengi